ITS MORE FUN IN AKLAN !

ANG KASAYSAYAN NG AKLAN

KASAYSAYAN

Ang AKLAN  kasama ang tinaguriang Capiz sa kasalukuyan, ay tinawag na “Minuro it Aklan” ng mga lumikas mula Borneo noong 1213. Dahil dito, ang Aklan ay itinuturing na pinakamatandang probinsya sa bansa. Ito ay isa sa tatlong sakop na bumubuo sa isla ng Panay. And dalawa pa ay ang Hamtic ,na ngayon ay Antique at Irong-Irong na ngayon naman ay Ilo-Ilo . Ang pangalan ng unang pinuno ng Aklan ay si Datu Bangkaya. Patungo sa katapusan ng ikalabing-apat na siglo, inilipat ni Datu Dinagandan ang kabisera mula sa Batan ng pangkasalukuyan. Ito ay naganap matapos itong sakupin ng mga manlalakbay na tsino sa pamumuno ni Kalantiaw, na naging daan upang makuha niya ang trono. Noong 1433, ang apo at tagapagmana ni Kalantiaw na si Kalantiaw III ay gumawa ng mga batas na tinatawag sa kasalukuyan na Code of Kalantiaw. Isang mananaysay na nagngangalang William Henry Scott ang nagsasabi na peke raw ang mga batas na ito. Noong 1437, and maigsing pangunguno ng angkan ni Kalantiaw ay natapos noong napuksa si Kalantiaw III sa isang duwelo kalaban si Datu Manduyog, and lehitimong tagapagmana ni Datu Dinagandan. Noong namuno na si Manduyog, inilipat nya ang kabisera sa Bakan (na ngayon ay tinatawag na Banga). Mga ilan ding datu ang sumunod kay Manduyog hanggang dumating si Miguel Lopez de Legaspi sa Batan noong 1565. Ang namumuno noong panahong iyon ay si Datu Kabanyag at ang kanyang kabisera ay Libacao. Mula noong pinamunuan ng Espanya ang Pilipinas hanggang naitaguyod ang Pilipino bilang pambansang wika, ang Aklan ay ibinaybay na “Acean”, at ang pangunahing bayan nitong Kalibo ay ibinaybay namang “Calivo”. Naging hiwalay na probinsiya ang Aklan mula sa Capiz ayon sa Republic Act 1414 na nilagdaan ni Presidente Magsaysay noong 25 Abril 1956. Opisyal na nakilala ang Aklan noong 8 Nobyembre 1956.

ALAM MO BA ?

• Ang Aklan ay isa parin sa iilang lalawigan/probinsiya sa bansa na napapanatili ang kabuuan na 709 hektarya ng mga dalisay na kagubatan.  
•  Sa lahat ng munisipaldiad ng Aklan, ang kabiserang bayan ng Kalibo ang may pinakamalaking populasyon na 62,138. Sinundan naman ito ng Ibajay na may populasyong 39,643, at ng New Washington na may 33,781 taong naninirahan. Ang pinaka maliit na munisipalidad ng Aklan (Lezo) naman ang may pinakakaunti/maliit na populasyon na 12,393.  

• Ang kapatagan ng Aklan ay bumubuo ng isang lugar na may sukat na 100 kilometro kwadrado at may hugis ng isang diyamante, kabilang ang sentrong bayan ng Malinao at Banga at sa kanlurang baybaying bayan ng New Washington, Kalibo at Makato.

Ang AKLAN

PAGPUNTA

Ang Aklan ay isang lalawigan ng Pilipinas na matatagpuan sa Rehiyon ng Kanlurang Visayas. Kalibo ang kabisera nito. Matatagpuan sa hilagang-kanlurang bahagi ng pulo ng Panay ang lalawigan. Ang hangganan nito ay umaabot sa mga lalawigan ng Antique sa kanluran at Capiz sa timog-silangan. Matatagpuan sa hilaga nito ang Dagat Sibuyanat ang lalawigan ng Romblon.Mararating ang Bora sa pagsakay ng ferry mula sa Caticlan. Mayroong 28 flight ang SEAir kada araw na umaabot lamang ng 35 minuto mula sa Maynila hanggang sa Caticlan Airport.

Ang isa pang daan ay mula sa Kalibo Airport. Mula rito ang mga bisita ay maaring sumakay sa mga mini-vans, bus o rented cars at bumiyahe ng 2 oras hanggang Caticlan.

Asian Spirit, Interisland Airlines, Corporate Air, Philippine Airlines at Cebu Pacific ang iba pang airlines na bumibiyahe papunta sa isla.Pupukaw sa inyong damdamin at isipan.

Pero huwag lamang kayong maniwala, dahil kailangan ninyong MARANASAN ang Boracay. At doon n’yo lang masasabi at maiintindihan kung ano ang binabalik-balikan ng mga nakarating na sa paraisong tunay.

MAPA

Mga Larawan ng mga Pasyalan

MGA PASYALAN SA AKLAN 

Museo it Akean

Museo it Akean

Ang  Museo it Akean ay matatagpuan sa S. Martelino St., Kalibo, Aklan, Ang Aklan ay napakayaman sa kultura at historikal na nangyari ng nakaraan.  Sa pagiging pinakamatandang probinsya sa ating bansa, marami itong pinagmamalaking mga kahanga-hangang atraksyon at makukulay na tradisyon.  Ito rin ay nagpapakita ng mga tela ng piña,  garapon, palayok, makarelihiyong alaala, kasangkapan, sining, instrumento, at simpleng bagay o kagamitan na gawa ng tao o modipikasyon.

Tigwatian Island

Tigwatian Island kilala rin bilang crystal cove island.Kilala ito dahil sa angking ganda ng isla na mayroong malinis na baybaying dagat at putting buhangin na mayroong hindi pa nasasaling malinaw na tubig na nasa gitna ng mainland.Ang malay at boracay.Isa itong mapayapang lugar na mayroong kanaisnais na aura. at maluwalhating banal na nangananahan sa mga inaasahang fauna at flora .Kamakailan lang nadiskubre ito na pinakamabuting alternatibong paraan ng pagtanggal sa stress.Ang pagbabakasyon sa boracay ay hindi kumpleto kapag hindi mo naranasang pumunta sa Crystal Cove

Paano nakuha ng crystal cove island ang pangalang Tigwatian island?Simple lang nakuha ito sa isang di mailarawang ibon na gumagawa ng ingay na “Tigwatian..Tigwatian”na matatagpuan lamang sa Crystal Cove Island.Noon ang mga tao lalo na ang mga mangingisda na galing sa karatig bayan ay naririnig ang ganitong ingay nagpatuloy ito at may mga staff ng Tigwatian Island ang nagsasabing naririnig ni la ito hangang ngayon .Isang gabi mayroong mangingisda ang lumabas upang mangisda ,habang sya ay nakasakay sa Bangka may narinig siyang isang tunog—“Tigwatian Tigwatian Tigwatian…” hinanap nya kung saan nanggaling ang tunog ngunit siya ay nabigo at nagdesisyong umuwi na lamang.Habang sya ay naglalakbay pauwi nagkarooon siya ng kakaibang pakiramdam kaya naman siya ay lumingon at doon niya nasasaksihan ang mga kakaibang ibong lumilipad habang kumakanta.Pinaniniwalaan nilang kumakanta nag mga ibon para sa kanilang hari.

Boracay

Boracay

 

Ang Boracay ay nabibilang sa kumpol ng isla sa Panay sa Kanlurang Visayas. Ito ay maliit lamang at korteng buto. Matatagpuan ang Boracay mga dalawandaang kilometro sa timog ng Maynila. Bahagi ito ng bayan ng Malay sa probinsiya ng Aklan. Binubuo ito ng tatlong barangay: Manoc-Manoc, ang Balabag, at Yapak. Ang Yapak ay nasa hilagang dulo ng isla, Balabag ay nasa gitna, at ang Manoc-Manoc naman ay nasa timog. Ang Boracay ay pinamamahalaan ng Department of Tourism (DOT) kasama ng gobyerno ng Aklan. Ang isla ay may habang pitong kilometro at laking 1083 ektarya. Ang sentro ng isla kung saan naninirahan ang mahigit kumulang 16000 katao, ay patag at makitid. Ang katimugan at hilagang bahagi ng isla ay mas malapad at maburol. Ang pinakamataas na parte ng isla ay ang Bundok Luho na may taas na isandaang metro at nasa hilagang-silangang bahagi ng isla. Sakop ng Malay town sa Aklan, ang Boracay ay sinasakop ng tatlong barangay. Sikat ang isla dahil sa taglay nitong white sand beach. Bukod sa scuba diving, snorkeling, windsurfing, kiteboarding, at cliff diving, dinadagsa rin ang Boracay dahil sa night life dito na pinasisigla ng iba't ibang restaurants, bars, at night clubs. Bukod sa magandang mga buhangin nito, ipinagmamalaki rin nila ang mga naggagandahang mga resorts dito. Nahirang din ang islan ng Boracay ng isang travel ang leisure magazine bilang “Best Island in the World”. Ito rin ang nangungunang pasyalang sa Aklan.

 

Bakhawan Eco-Park

Bakhawan Eco-Park  

Ang Aklan ay ang pinakakilala bilang tahanan ng Isla ng Boracay, na itinuturing ng marami bilang pinakamahusay na destinasyon ng baybayin sa buong mundo. Gayunpaman, ang probinsyang ito ay gumaganap sa isa pang atraksyon na pantay sa pagiging karapat-dapat sa katanyagan, Ang Bakhawan Eco-Park. Ito ay isa sa pinakamatagumpay na pagsusumikap sa reforestation sa Timog-Silangang Asya.

Ang Bakhawan Eco-Park ay tahanan sa libu-libong Puno ng Bakhawan

Ang parke ay nasimulang mapag-isipan noong 1980s sa pamamagitan ng Lokal na Pamahalaan ng Kalibo at ng DENR. Noong una, Limampung hektarya lamang ng lupain ang sakop ng proyektong ito, ngunit sa tulong ng NGO at ng lokal na komunidad, ngayon ay sumasaklaw na ito ng higit sa isang daang hektarya. At Dahil sa tagumpay ng proyektong ito, ang Food & Agricultural Organization ng UN ay tinawag ito bilang isa sa mga huwaran na pinamamahalaang kagubatan sa buong Asya at sa Pasipiko.

Ang pangunahing katangian ng Bakhawan Eco-Park ay ang 800-metrong lakarang kawayan

Ang sentro ng atensyon ng parke ay nasa 800-metrong lakarang kawayan na napupuntahan ng mga turista sa malalim na kagubatan ng bakhawan. Binibigyan sila nito ng pagkakataon upang masiyasat ang kagubatan habang naglalakad sa lilim ng Puno ng Bakhawan.

Ang Kagandahan ng Bakhawan Eco-Park na binibisita ng mga turista & ng mga Aklanons.

Ipinapakita ng Parkeng ito ang kagandahan ng kalikasan at pagsasama pabalik ng Balanseng Ekolohiya dahil sa kasaganahan sa Puno ng Bakhawan. Sinasabi ring ito ay Paraiso ng mga Kabataan at perpektong lugar sa pagpicnik ng pamilya. Ito rin ay Lover's zone kung saan naaalok ng kalikasan na matutunan ang iba pang pananaw sa Pag-ibig.